„მაკლარენის“ პილოტი, ლანდო ნორისი, ფორმულა 1-ის მრბოლელთა ჩემპიონატის გამარჯვებული გახდა. 26 წლის ბრიტანელმა ეს ტიტული აბუ დაბის გრან პრიზე მესამე ადგილის დაკავებით მოიპოვა.

ნორისმა მხოლოდ ორი ქულით გაუსწრო „რედ ბულის“ წარმომადგენელ მაქს ვერსტაპენს, რომელმაც რბოლაში პირველი ადგილი დაიკავა. ვერსტაპენისთვის ეს სეზონში მერვე გამარჯვება იყო, რაც ერთით მეტია ნორისისა და მისი გუნდელის, ოსკარ პიასტრის მაჩვენებელზე. პიასტრიმ მეორე ადგილი დაიკავა და საჭიროების შემთხვევაში ნორისისთვის დახმარების გაწევა შეეძლო.

ლანდო ნორისი გახდა მე-11 ბრიტანელი მრბოლელი, რომელმაც ფორმულა 1-ის ჩემპიონის ტიტული მოიპოვა.