ლივერპულის თავდამსხმელმა ალექსანდერ ისაკმა შაბათს, „ტოტენჰემის“ წინააღმდეგ მოგებულ (2:1) შეხვედრაში ფეხის ქვედა ნაწილის სერიოზული ტრავმა მიიღო. შვედმა ფეხბურთელმა მატჩის მიწურულს მოედანი დატოვა და კლუბში შიშობენ, რომ მისი დაზიანება საკმაოდ მძიმეა.

ისაკი მოედანზე შეცვლაზე შევიდა და ანგარიში გახსნა, თუმცა გოლის გატანისთანავე მიკი ვან დე ვენის მიერ უხეში ვარდნის მსხვერპლი გახდა და თამაშის გაგრძელება ვეღარ შეძლო. 26 წლის თავდამსხმელი, რომელიც „ლივერპულს“ „ნიუკასლიდან“ სექტემბერში, რეკორდული 125 მილიონი ფუნტის სანაცვლოდ შეუერთდა, კვირას MRI სკანირებას ჩაიტარებს. კვლევები ტრავმის სიმძიმესა და მოედანზე დაბრუნების სავარაუდო ვადებს დაადგენს.

„ლივერპულის“ მწვრთნელი არნე სლოტი მომდევნო პრესკონფერენციას სამშაბათს გამართავს, სადაც სავარაუდოდ ისაკის ჯანმრთელობის მდგომარეობაზეც ისაუბრებს.