რუსეთი მიესალმება აშშ-ის პრეზიდენტ დონალდ ტრამპის ახალ ეროვნული უსაფრთხოების სტრატეგიას და აცხადებს, რომ ის „უმეტესწილად შეესაბამება“ მოსკოვის ხედვას. ამის შესახებ ინფორმაციას საერთაშორისო მედია ავრცელებს.
აშშ-ის ადმინისტრაციის მიერ წარმოდგენილი 33-გვერდიანი დოკუმენტი მიუთითებს, რომ ევროპა „ცივილიზაციურ წაშლას“ განიცდის და რუსეთს აშშ-ის საფრთხედ არ მიიჩნევს. დოკუმენტში ასევე პრიორიტეტებად არის დასახელებული უცხოური გავლენის წინააღმდეგ ბრძოლა, მასობრივი მიგრაციის დასრულება და ევროკავშირის „ცენზურის“ პრაქტიკის უარყოფა.
