სამეცნიერო ჟურნალ Nature-ში გამოქვეყნებულ სტატიაში განხილულია PhD სწავლებაში რამდენიმე ხელმძღვანელის (co-supervisors) არსებობის დადებითი მხარეები. აღნიშნულია, რომ ერთი მთავარი ხელმძღვანელის გარდა, დამატებითი ხელმძღვანელების ყოლა მნიშვნელოვნად უწყობს ხელს სტუდენტების კეთილდღეობასა და წარმატებას.
სტატიის ავტორები მიიჩნევენ, რომ თანამედროვე კვლევები ხშირად მოითხოვს მრავალმხრივ ცოდნასა და უნარებს, რასაც ერთი ხელმძღვანელი შესაძლოა ვერ ფარავდეს. შესაბამისად, რამდენიმე ხელმძღვანელის ჩართულობა უზრუნველყოფს სტუდენტისთვის სხვადასხვა პერსპექტივასა და მხარდაჭერას, რაც განსაკუთრებით მნიშვნელოვანია სადისერტაციო კვლევის წარმატებით დასასრულებლად.
