მუსლიმური სამყარო 2025 წლის 2 იანვარს რეგაიფის ღამეს აღნიშნავს. ეს წმინდა დღე, რომელიც სამ ისლამურ თვეს (რაგაბი, შაბანი, რამადანი) უძღვის წინ, განსაკუთრებული მნიშვნელობითაა დატვირთული მორწმუნეებისთვის და ლოცვასა და მსახურებას ეძღვნება.
რეგაიფის ღამე ისლამურ სამყაროში ერთ-ერთი ყველაზე მნიშვნელოვანი დღესასწაულია, რომელიც წინასწარმეტყველ მუჰამედის ჩასახვის ღამეს უკავშირდება. ის აღინიშნება ისლამური კალენდრის მიხედვით რაჯაბის თვის პირველ ხუთშაბათს ღამეს. ამ პერიოდში მორწმუნეები მეტ დროს უთმობენ ლოცვას, მარხვასა და ალაჰისადმი მადლიერების გამოხატვას, რადგან მიაჩნიათ, რომ ამ ღამეს ლოცვები განსაკუთრებული ძლით ხასიათდება და სურვილები სრულდება. რეგაიფის ღამით იწყება ეგრეთ წოდებული „სამი წმინდა თვე“ (Üç Aylar), რომელიც ასევე მოიცავს მირაჯისა და ბერათის ღამეებს და დასრულდება რამადანის წმინდა თვის დაწყებით.
ტრადიციულად, მუსლიმები ამ ღამეს მეჩეთებში იკრიბებიან სპეციალური ლოცვებისთვის, კითხულობენ ყურანს, იხსენებენ წინაპრებს და სიკეთეს გასცემენ. ეს არის სულიერი განწმენდისა და ღვთის წყალობის მოპოვების დრო, რომელიც მორწმუნეებს შეგონებისკენ მოუწოდებს.
