Netflix-ის თანა-აღმასრულებელი დირექტორი, ტედ სარანდოსი, აშშ-ის ყოფილ პრეზიდენტ დონალდ ტრამპს ნოემბერში შეხვდა, რათა Warner Bros.-ის შესაძლო შესყიდვის საკითხი განეხილა. ინფორმაციას Bloomberg და The Hollywood Reporter ავრცელებენ.

გავრცელებული ინფორმაციით, დონალდ ტრამპმა სარანდოსს განუცხადა, რომ Warner Bros. უმაღლესი შემთავაზებლისთვის უნდა გაიყიდოს. შეხვედრის შემდეგ, Netflix-ის ხელმძღვანელს დარჩა შთაბეჭდილება, რომ პრეზიდენტი აღნიშნულ გარიგებას წინააღმდეგობას არ გაუწევდა.

აღსანიშნავია, რომ Netflix-ი Warner Bros.-ის შესყიდვით აქტიურად არის დაინტერესებული. კომპანია მზად არის აღნიშნული გარიგებისთვის 82.7 მილიარდი დოლარი გამოყოს. მანამდე, Paramount ითვლებოდა ფავორიტად, დირექტორ დევიდ ელისონის კავშირების გამო ტრამპის ადმინისტრაციასთან.