ხელოვნური ინტელექტის კომპანია OpenAI-მ განაცხადა, რომ დროებით გათიშა ChatGPT-ში აპლიკაციების შემოთავაზების ფუნქცია, რომელიც რეკლამას ჰგავდა. გადაწყვეტილება მომხმარებლების მხრიდან გამოწვეულმა უკმაყოფილებამ განაპირობა.

OpenAI-ს მთავარი მკვლევარის, მარკ ჩენის თქმით, კომპანია ცდილობს გააუმჯობესოს მომხმარებლის გამოცდილება და აღიარა, რომ წარუმატებელი აღმოჩნდა ბოლო სარეკლამო შეტყობინებები. პრემიუმ გამომწერებმა უკმაყოფილება გამოთქვეს ისეთი კომპანიების რეკლამების გამოჩენის გამო, როგორიცაა Peloton და Target. OpenAI-ში აცხადებენ, რომ ამოწმებდნენ ChatGPT აპლიკაციის პლატფორმაზე შექმნილი აპლიკაციების ჩვენების ხერხებს და ამ შეთავაზებებს ფინანსური კომპონენტი არ ჰქონდა.