თურქული სპორტული კლუბ „ფენერბაჰჩეს“ პრეზიდენტი სადეთინ სარანი ნარკოტიკების უკანონო ბრუნვასთან დაკავშირებული გამოძიების ფარგლებში ჩვენების მისაცემად დაიბარეს. ამავდროულად, სამართალდამცავებმა მისი საცხოვრებელი სახლის ჩხრეკა ჩაატარეს.
ინფორმაციას თურქული მედია ავრცელებს, თუმცა გამოძიების დეტალები და საქმის სხვა გარემოებები ამ ეტაპზე არ საჯაროვდება. ცნობილია, რომ საგამოძიებო მოქმედებები სარანის კერძო მისამართზე ჩატარდა, რაც თურქული ფეხბურთის ერთ-ერთი ყველაზე გავლენიანი ფიგურის მიმართ სერიოზულ სამართლებრივ ნაბიჯებზე მიუთითებს. „ფენერბაჰჩე“ თურქეთის ერთ-ერთი ყველაზე ტიტულოვანი და პოპულარული კლუბია.
A
