ბრისტოლის უნივერსიტეტის მეცნიერებმა დაადგინეს, რომ დედამიწაზე რთული სიცოცხლის ფორმების ევოლუცია იმაზე გაცილებით ადრე დაიწყო, ვიდრე აქამდე იყო მიღებული. ახალი კვლევის მიხედვით, სიცოცხლის ძირითადი უჯრედული მახასიათებლები ყალიბდებოდა ძველ, ჟანგბადისგან თავისუფალ ოკეანეებში, დაახლოებით მილიარდი წლით ადრე, სანამ ჟანგბადი გახდებოდა დედამიწის ატმოსფეროს ძირითადი კომპონენტი.
კვლევითი ჯგუფის თანახმად, ეს ფუნდამენტურად ცვლის წარმოდგენას ევოლუციის ადრეულ ეტაპებზე. მეცნიერებმა გამოიყენეს მოლეკულური საათის გაფართოებული მიდგომა. ეს მეთოდი საშუალებას იძლევა, დაითვალონ გენეტიკური ცვლილებების სიჩქარე და დაადგინონ, როდის გაჩნდა კონკრეტული ევოლუციური თავისებურებები უძველეს ეპოქაში.
მიღებული შედეგები მიუთითებს, რომ ადრეული სირთულის განვითარებას მოულოდნელად დიდი დრო დასჭირდა, რადგან ეს პროცესი ნელა მიმდინარეობდა ანოქსიურ (ჟანგბადის უკმარისობის მქონე) გარემოში. აღმოჩენა ადასტურებს, რომ რთული სიცოცხლე იმალებოდა ოკეანეების სიღრმეში მანამ, სანამ პლანეტის ატმოსფეროში დიდი რაოდენობით ჟანგბადი დაგროვდებოდა.
