ტექნოლოგიური გამოცემა WIRED-ის მიმომხილველმა შეარჩია საუკეთესო პრინტერები სახლისა და ოფისისთვის. სტატიაში განხილულია ისეთი ბრენდების პროდუქცია, როგორიცაა Brother და HP. მიმომხილველის თქმით, თანამედროვე სამყაროში, სადაც ციფრული ბილეთები და სმარტფონებით სკანირება აქტიურად გამოიყენება, პრინტერები კვლავაც საჭირო ინსტრუმენტად რჩება განსაკუთრებით მათთვის, ვინც სახლიდან მუშაობს ან ხშირად უწევს დოკუმენტების ამობეჭდვა.
სტატიის ავტორი აღნიშნავს, რომ თავადაც აქტიურად იყენებს პრინტერს ყოველდღიურ საქმიანობაში, კერძოდ სავაჭრო ბარათების ონლაინ გაყიდვისას, ამიტომ კარგად იცის, რამდენად მნიშვნელოვანია პრინტერის გამართული მუშაობა და ის სირთულეები, რაც გაუმართაობამ შეიძლება გამოიწვიოს. იგი ყურადღებას ამახვილებს პრინტერის საიმედოობასა და ფუნქციონალურობაზე, რაც აუცილებელია როგორც სახლის, ისე საოფისე მოხმარებისთვის.
