მოჰამედ სალაჰი „ლივერპულის“ მთავარმა მწვრთნელმა არნე სლოტმა „ბრაიტონის“ წინააღმდეგ პრემიერ ლიგის შეხვედრაში სათადარიგოთა სკამზე დატოვა. ეს პირველი შემთხვევაა, როდესაც ეგვიპტელი ფეხბურთელი განაცხადშია მას შემდეგ, რაც გასულ კვირას „ლიდსთან“ ფრედ დასრულებული მატჩის შემდეგ კლუბი გააკრიტიკა.
ცნობილია, რომ არნე სლოტმა მოცემული მატჩისთვის ცხრა ფეხბურთელის ნაცვლად, მხოლოდ რვა შეიყვანა სათადარიგოთა სიაში. სალაჰს მონაწილეობა არ მიუღია „ლივერპულის“ ჩემპიონთა ლიგის მატჩში „ინტერის“ წინააღმდეგ, რომელიც მერსესაიდელებმა 1:0 მოიგეს. 33 წლის თავდამსხმელი, სავარაუდოდ, ორშაბათს აფრიკის თასზე გაემგზავრება. სატრანსფერო ფანჯრის გახსნის შემდეგ, საუდის არაბეთის პრო ლიგის კლუბები მისით დაინტერესებულნი არიან და შესაძლოა, ეს მისი ბოლო მატჩი იყოს „ლივერპულის“ მაისურით.
