მომავალი, 2026 წელი, მეცნიერებისთვის მნიშვნელოვანი მოვლენებით იქნება გამორჩეული, როგორც კოსმოსის კვლევის, ისე ხელოვნური ინტელექტის სფეროში. ინდოეთის მიერ გაშვებული კოსმოსური ხომალდი „ადიტია-L1“ მზის აქტივობის პიკურ ფაზას დააკვირდება, პარალელურად კი, ხელოვნური ინტელექტის (AI) მეცნიერებაში ინტეგრაცია ახალ ეტაპზე გადავა, რასაც შესაძლოა მნიშვნელოვანი აღმოჩენები მოჰყვეს.

2023 წელს გაშვებული „ადიტია-L1“, ინდოეთის პირველი მისიაა მზის შესწავლაში, რომელიც მისი ზედა ატმოსფეროს დინამიკას დააკვირდება. ამავდროულად, ხელოვნური ინტელექტის მიერ წარმოებული კვლევები, რომელიც ამ წელსაც მნიშვნელოვანი წინსვლებით გამოირჩა, კვლავ წამყვან როლს შეასრულებს. მოსალოდნელია, რომ უფრო ფართოდ დაინერგება AI „აგენტები“, რომლებიც რამდენიმე დიდი ენობრივი მოდელის (LLM) ინტეგრირებით შეასრულებენ რთულ, მრავალსაფეხურიან პროცესებს, ზოგჯერ მინიმალური ადამიანური ზედამხედველობით. ამან შესაძლოა მეცნიერებაში პირველი მასშტაბური გარღვევები გამოიწვიოს, თუმცა, ამ სისტემების აქტიურმა გამოყენებამ შესაძლოა გამოავლინოს სერიოზული ხარვეზებიც, როგორიცაა მონაცემთა წაშლა, რაზეც მკვლევარებმა უკვე მიუთითეს.