შოტლანდიურ „სელტიკს“ ისტორიაში ყველაზე ცუდი სტარტი აქვს. გუნდის ახალმა მთავარმა მწვრთნელმა, უილფრიდ ნენსიმ, კლუბის 138-წლიან ისტორიაში ყველაზე სუსტი დასაწყისი დააფიქსირა, მოიპოვა რა ზედიზედ ოთხი მარცხი. ფრანგი სპეციალისტი პირველი მწვრთნელია არა მხოლოდ „სელტიკის“, არამედ მისი მთავარი მეტოქის, „რეინჯერსის“ ისტორიაშიც კი, რომელმაც სათავეში მოსვლის შემდეგ ყველა პირველი შეხვედრა წააგო.
ოთხშაბათს ღამით, „დუნდი იუნაიტედთან“ 2:1 ანგარიშით განცდილი მარცხი ნენსისთვის სულ რაღაც ორი კვირის განმავლობაში უკვე მეოთხე იყო. მან „სელტიკის“ თავკაცის პოსტზე დროებითი მწვრთნელი, მარტინ ო'ნილი ჩაანაცვლა. გუნდის წარუმატებელი ასპარეზობის ფონზე, ბრიტანული მედია აქტიურად განიხილავს, რამდენად დიდია შანსი, რომ „სელტიკის“ ხელმძღვანელობამ ნენსის მწვრთნელად შეინარჩუნოს პოზიცია.
