სისხლის სამართლის საერთაშორისო სასამართლომ (ICC) სამშაბათს, სუდანელი გასამხედროებული ფორმირების, „ჯანჯავიდის“ ლიდერს, ალი მუჰამედ ალი აბდ-ალ-რაჰმანს, იგივე ალი კუშაიბს, 20 წლით თავისუფლების აღკვეთა მიუსაჯა. მას ბრალი ედება დარფურის კონფლიქტის დროს ჩადენილ ომის დანაშაულებსა და კაცობრიობის წინააღმდეგ მიმართულ დანაშაულებში, რომლებიც 20 წლის წინ მოხდა.

გამოძიების მასალების მიხედვით, ალი აბდ-ალ-რაჰმანი პასუხისმგებელია მშვიდობიანი მოსახლეობის მკვლელობებზე, გაუპატიურებებზე, წამებასა და იძულებით გადაადგილებაზე. აღნიშნული დანაშაულებები დარფურის რეგიონში 2003-2004 წლებში განხორციელდა. სასამართლო პროცესი ჰააგაში მიმდინარეობდა.