სამხრეთ აფრიკის რესპუბლიკაში, იოჰანესბურგის სამხრეთ-დასავლეთით მდებარე ბეკერსდალის დასახლებაში, ადგილობრივ ტავერნაში მომხდარი მასობრივი სროლის შედეგად, პოლიციის ინფორმაციით, სულ მცირე ცხრა ადამიანი დაიღუპა და ათი დაშავდა. ინციდენტი კვირა დილის 1 საათზე მოხდა.
სამართალდამცავებმა დაუყოვნებლივ დაიწყეს ძებნა-ძიების ოპერაცია და ამჟამად დაახლოებით ათი ეჭვმიტანილი იძებნება. პოლიცია საზოგადოებას მოუწოდებს, ნებისმიერი ინფორმაციის შემთხვევაში ითანამშრომლოს გამოძიებასთან და მიაწოდოს დეტალები მომხდარის შესახებ. აღნიშნული მოწოდება პოლიციამ სოციალურ ქსელ X-ის საშუალებითაც გაავრცელა.
A
