თურქეთის ჟანდარმერიამ ფართომასშტაბიანი ოპერაცია ჩაატარა, რომლის ფარგლებშიც 26 კომპანიის საქმიანობა შეისწავლეს. გამოძიება ეხება ფინანსური კონსულტანტების შესაძლო უკანონო ქმედებებს, რასაც, სავარაუდოდ, ფინანსური მაქინაციები და გადასახადებისგან თავის არიდება უკავშირდება. ოპერაციის შედეგად, ამ დროისთვის, 43 პირია დაკავებული.
მოკვლევა ფინანსური დანაშაულებების წინააღმდეგ ბრძოლის ფარგლებში მიმდინარეობს. ჟანდარმერიის განცხადებით, დაკავებულ პირებს ბრალად ედებათ სხვადასხვა სქემით სახელმწიფო ბიუჯეტისთვის ზიანის მიყენება და კომპანიების დახმარება არაკანონიერ ოპერაციებში. გამოძიება გრძელდება და არ არის გამორიცხული, დაკავებულთა რაოდენობა გაიზარდოს.
A
