უკრაინა ამზადებს სამშვიდობო გეგმის ახალ ვერსიას, რომელსაც უახლოეს მომავალში აშშ-ს წარუდგენს. კიევი უარს ამბობს რუსეთისთვის ტერიტორიული დათმობების გაკეთებაზე და ვაშინგტონისთვის ალტერნატიულ წინადადებებს ამზადებს.
პრეზიდენტმა ვოლოდიმირ ზელენსკიმ კიდევ ერთხელ განაცხადა, რომ უკრაინის ტერიტორიების დათმობაზე არ წავა, რადგან ამის უფლება არც უკრაინის და არც საერთაშორისო კანონმდებლობით არ აქვს. აღნიშნული განცხადება მან ევროპისა და ნატოს ლიდერებთან შეხვედრისას გააკეთა, სადაც მხარეებმა უკრაინისთვის მნიშვნელოვანი დათმობების შემცველი სამშვიდობო შეთანხმების მხარდაჭერისგან აშშ-ის შეკავების საკითხი განიხილეს.
