კიევის ინფორმაციით, რუსმა სამხედროებმა უკრაინის ჩრდილო-აღმოსავლეთით, სუმის ოლქის სასაზღვრო სოფელ გრაბოვსკედან 52 მშვიდობიანი მოქალაქე გაიტაცეს და რუსეთის ტერიტორიაზე გადაიყვანეს. ამასთან ერთად, იმავე სოფელში, რუსეთის საოკუპაციო ძალებმა უკრაინის 13 ჯარისკაცი ტყვედ აიყვანეს.
უკრაინის გაერთიანებული ძალების ოპერატიული შტაბის წარმომადგენლის, ვიქტორ ტრეგუბოვის განცხადებით, თავდასხმა შაბათს ღამით მოხდა, როდესაც დაახლოებით 100-მა რუსმა ჯარისკაცმა სოფელზე იერიში მიიტანა. თავდაპირველად, მშვიდობიანი მოქალაქეები ეკლესიაში შეკრიბეს, რის შემდეგაც ისინი რუსეთის მიმართულებით წაიყვანეს.
A
