ჯანდაცვის მსოფლიო ორგანიზაციის (WHO) ვაქცინების უსაფრთხოების გლობალურმა ექსპერტთა კომიტეტმა (GACVS) კიდევ ერთხელ დაადასტურა, რომ ვაქცინებსა და აუტიზმის სპექტრის აშლილობებს (ასა) შორის მიზეზობრივი კავშირი არ არსებობს. ეს დასკვნა გამოქვეყნდა 2025 წლის 27 ნოემბერს კომიტეტის მიერ განხილული უახლესი ანალიზის საფუძველზე, რომელიც მრავალწლიან და ვრცელ სამეცნიერო მტკიცებულებებს ეყრდნობა.
აღნიშნული დასკვნა WHO-ს დიდი ხნის პოზიციას ამყარებს, რომ ბავშვთა ვაქცინები აუტიზმს არ იწვევს. ვაქცინების უსაფრთხოების გლობალური მრჩეველთა კომიტეტი (GACVS), რომელიც 1999 წელს შეიქმნა, აერთიანებს საერთაშორისო ექსპერტებს, რათა მიაწოდოს WHO-ს დამოუკიდებელი და ავტორიტეტული სამეცნიერო რჩევები ვაქცინების უსაფრთხოებასთან დაკავშირებულ გლობალურ პრიორიტეტებზე. უახლესი ანალიზი, კერძოდ, 2010 წლის იანვრიდან 2025 წლის აგვისტომდე გამოქვეყნებულ 31 პირველად კვლევით ნაშრომს ეფუძნებოდა და შეისწავლიდა ტიმეროსალის შემცველ ვაქცინებსა და ასა-ს შორის, ასევე ზოგადად ვაქცინებსა და ასა-ს შორის კავშირს, საბოლოოდ უარყო რა ამგვარი კავშირის არსებობა.
