საუკეთესო ევროპული გუნდები მიქაუტაძისთვის – SCISPORTS-ის ანალიტიკა | EUROPOP

აიაქსიდან მეცში დაბრუნების შემდეგ, გიორგი მიქაუტაძემ კვლავ მიიქცია ევროპული ევროპული მედიის ყურადღება. ფაქტია, ფრანგულ ლიგა 1-ში დაბრუნებული 23 წლის ფორვარდი ისე ათამაშდა, რომ ჩემპიონატის ბომბარდირთა მარაქაშიც გაერია.

2024 წელს მიქაუტაძემ საფრანგეთის ჩემპიონატში 13 მატჩი ითამაშა, 8 გოლი გაიტანა და 2 საგოლე პასი გააკეთა. სულ კი სეზონში, რომლის ნახევარიც აიაქსში ტრანსფერის გამო გამოტოვა, მას 10 გოლი და 3 საგოლე პასი აქვს. ბოლო სამი ტურია, მიქაუტაძე უგოლოდ არ ტოვებს მოედანს – აპრილში სამ მატჩში მან 5 გოლი გაიტანა. 

სპორტული ანალიტიკის კომპანია SciSports-მა, რომელიც საფეხბურთო ანალიზს და მონაცემებს პროფესიულ ორგანიზაციებს და მედიას აწვდის, გიორგი მიქაუტაძეს სასურველი კლუბები შეურჩია.

კომპანიის Career Advice Tool-ის შერჩევით მიქაუტაძისთვის იდეალური გუნდი ამჟამად ლონდონის ფულემია. პრემიერლიგის ამ კლუბში გიორგის გადასვლის მიზანშეწილობა 81 ქულით შეფასდა. შემდეგ მოდის სევილიური ბეტისი 80 ქულით. თუმცა იმავე წყაროს მიხედვით, თუ გიორგის სათამაშო სტილისთვის უკეთესი ფულემია, მას მეტი თამაშის შანსი უფრო ანდალუსიურ კლუბში აქვს.

შეგახსენებთ, რომ გიორგი მიქაუტაძე 2023 წლის აგვისტოში მეციდან ამსტერდამის აიაქსში €16 მილიონის სანაცვლოდ გადავიდა, იანვარში კი ის სეზონის ბოლომდე იჯარით ისევ მეცში დაბრუნდა. გიორგი აიაქსს 2026 წლის ივნისამდე ეკუთვნის. 

About The Author

NEWSTODAY.GE

See author's posts