მივმართავ ივანიშვილს, კობახიძეს, მდინარაძეს – ვის უტარებთ აქციას? საკუთარი ხალხის წინააღმდეგ მიდიხართ? – გიორგი ვაშაძე
NEWSTODAY.GE
1 min read
“თქვენი აღარავის ეშინა, დამთავრებულები ხართ” – გიორგი ვაშაძე “ქართულ ოცნებას” მიმართავს და 29 აპრილს აქციაზე საჯარო მოხელეების იძულებით ჩამოყვანის ფაქტებზე საუბრობს.
მისი თქით, ხელისუფლება კიდევ ერთ დიდ სისუსტეს აჩვენებს, როდესაც იძულებით ცდილობს საჯარო მოხელეები ჩამოიყვანოს თბილისში და აქცია გამართოს.
ვის უტარებთ აქციას? საკუთარ ხალხს? საკუთარი ხალხის წინააღმდეგ მიდიხართ? – ამბობს “სტრატეგია აღმაშენებლის” ლიდერმა სპეციალურ ბრიფინგზე.
მან საჯარო მოხელეებს მიმართა და სთხოვა, დაშინების შემთხხვევებზე ღიად ისაუბრონ: “რაც არ უნდა დაგაშინონ, ჩვენ თქვენს გვერდით ვიქნებით”– ამბობს ვაშაძე.
“ხელისუფლება კიდევ ერთ დიდ სისუსტეს აჩვენებს, როდესაც იძულებით ცდილობს საჯარო მოხელეები ჩამოიყვანოს თბილისში და აქცია გამართოს. მთავარი კითხვაა, ვის უტარებს აქცია? მივმართავ კობახიძეს, ივანიშვილს, მდინარაძეს – ვის უტარებთ აქციას? საკუთარ ხალხს? საკუთარი ხალხის წინააღმდეგ მიდიხართ? საქართველო ევროკავშირს ზურგს არასდროს შეაქცევს. რაც არ უნდა ძალით და ხელოვნურად ჩამოიყვანოთ ეს ადამიანები, ტაში აკვრევინოთ. ყველამ კარგად იცის, რომ თქვენ აღარანაირი მორალური საფუძველი არ გაქვთ, რომ ხელისუფლება გერქვათ. რასაც თქვენ აკეთებთ, ეს არის თქვენი სისუსტის მაჩვენებელი. გეშინიათ, სუსტები ხართ. იმიტომ, რომ მტყუანი ხართ ქვეყნის და ერის წინაშე.
მივმართავ საჯარო მოხელეებს, რაც არ უნდა დაგაშინონ და შეგაშინონ, ჩვენ თქვენს გვერდით ვიქნებით. ვინც არ უნდა მოგთხოვონ სამსახურიდან წასვლაზე განცხადების დაწერა, არ დაწეროთ”, – განაცხადა გიორგი ვაშაძემ.
About The Author
