NEWSTODAY.GE 
პრინცმა ჰარიმ BBC-ს ვრცელი ინტერვიუ მისცა. სასექსის ჰერცოგი აცხადებს, რომ, გასულ წლებში არსებული უთანხმოების მიუხედავად, ძალიან სურს სამეფო ოჯახთან შერიგება.
“ჩემსა და ჩემი ოჯახის ზოგიერთ წევრს შორის იმდენი უთანხმოება იყო… თუმცა ვაპატიე. მე ძალიან მინდა ჩემს ოჯახთან შერიგება. აღარ აქვს აზრი ერთმანეთთან ბრძოლის გაგრძელებას, სიცოცხლე ძვირფასია”, – ამბობს პრინცი, თუმცა, დასძენს, რომ აშშ-დან გაერთიანებულ სამეფოში საცხოვრებლად დაბრუნებას გამორიცხავს.
“ამ ეტაპზე, ვერ წარმომიდგენია, რომ ჩემი ცოლ-შვილი დიდ ბრიტანეთში დავაბრუნო”, – ამბობს ის.
პრინცმა ჰარიმ და მისმა მეუღლემ, მეგან მარკლმა, სამეფო ოჯახის “მაღალი რანგის” წევრების სტატუსზე უარი 2020 წელს თქვეს. წყვილი ამჟამად, შვილებთან ერთად, აშშ-ში ცხოვრობს.
About The Author
