რუსული კანონის საწინააღმდეგო აქციის მონაწილეების თქმით, უცნობი ნომრიდან ურეკავენ და ემუქრებიან
NEWSTODAY.GE
1 min read
სტუდენტებს, პოლიტიკოსებს, ჟურნალისტებს, სამოქალაქო აქტივისტებს, რომლებიც რუსულ კანონს აპროტესტებენ, უკრაინული ნომრიდან ურეკავენ და პირად შეურაცხყოფას აყენებენ. ინფორმაცია სოციალურ ქსელში არაერთმა მათგანმა გაავრცელა.
ერთ-ერთი ვისაც დაემუქრნენ ონლაინმედია “აპრილის” ჟურნალისტი, გიორგი ბასხაჯაურია. ის წერს, რომ პიროვნებამ, რომელმაც დაურეკა დაუსახელა საცხოვრებელი მისამართიც:
“უკრაინული ნომრიდან დამირეკეს, საცხოვრებელი მისამართი დამისახელეს და მითხრეს, რო ისე ჩამ**ზდავენ, ვერც გავიგებ. როგორც ჩანს, სხვებსაც ურეკავენ. საქართველო ლამაზო”, – წერს ის სოციალურ ქსელში.
ყოფილი ტელეწამყვანი, ნიკა ქავთარაძე წერს, რომ უცნობი ნომრიდან დაურეკეს და დააშინეს მისი შვილი:
“სუს-ის შსს-ს კონტრდაზვერვის და ქართული ოცნების ტოპ-3 ტიპებს რომ არ გიცნობდეთ, რომ არ მიცნობდეთ, სუფრებზე რომ არ გვქობდეს უამრავი საათი გატარებული წლების წინ, კიდე ხო.
აი, ამ ნომრიდან სვებთან ერთად ჩემ შვილს დაურეკეს და დააშინეს. უბრალოდ, გრცხვენოდეთ.!
ტელეფონზეც არ გირეკავთ და სმს-საც არ გწერთ, უბრალოდ საჯაროდ მოგმართავთ – მიმიფურთხებია ყველა წუთის და წამისთვის, რაც გვაკავშირებს, თუ ეს იცით და თუ ეს იკადრეთ!”, – წერს ქავთარაძე.
About The Author
