ოპოზიცია რეპრესიების მსხვერპლია — აცხადებს ოპოზიციური პარტია „ლელოს“ წარმომადგენლები და ზეწოლისა თუ მოსყიდვის შემზარავ ფაქტებზე აპელირებენ
NEWSTODAY.GE
1 min read
“ლელოსა” და სრული ოპოზიციური სპექტრის მიხეილ სააკაშვილისადმი მხარდასაჭერი გრძელვადიანი მანიფესტაციები ხელისუფლების მხრიდან თავდასხმებითა და შანტაჟით მიმდინარეობს. პარტიის ახალგაზრდული ფრთის წარმომადგენელზე წუხელ, გვიან ღამით, მმართველი გუნდის წევრებმა, თამაზ ფაცაციამ და ოთარ ქადარიამ, ზეწოლა განახორციელეს. პარტიაში იმ დეტალებზე საუბრობენ, რომელიც მუქარის ფაქტებს ასახავს.
“ლელოს” ახალგაზრდული ფრთის პოლიტიკური აქტივისტის, თამარ კლდიაშვილის თქმით, “ქართული ოცნების” წარმომადგენელმა ჯონდი იზორიამ, რომელიც თბილისის მერიის კულტურის განყოფილების უფროსია, მას თბილისის მერიაში გამართულ შეხვედრაზე სადაც პოლიტიკური დისკუსია მიმდინარეობდა დამსწრე საზოგადოების თვალწინ ქალაქისა და პარტიის დატოვების სანაცვლოდ ცინიკურად 50 ლარი შესთავაზა და უთხრა რომ იმ თანხას სთავაზობდა რამდენიც მისი პოლიტიკური ღირებულება იყო.
“ხელისუფლებამ ბრძოლა გააჩაღა ისეთი მზარდი პოლიტიკური პარტიის წინააღმდეგ, როგორიც “ლელოა”. დღევანდელი ფაქტიც არის იმის დასტური, თუ რამდენად საშიშია ხელისუფლებისთვის “ლელო” . ზეწოლა ხორციელდება როგორც ჩვენს წევრებზე, ასევე ჩვენი ახალგაზრდული ფრთის წევრებზე. საკრებულოს კომისიის თავმჯდომარე ოთო ქადარია, რომელიც სახელმწიფო საქმიანობით უნდა იყოს დაკავებული, პირიქით, ეწევა ზონდერ საქმიანობას. ისინი ცდილობენ საზოგადოებას აჩვენონ თითქოს მიხეილ სააკაშვილს მხარს არავინ უჭერს, სურთ ჩვენი შეშინება და მოსყიდვა, თუმცა მინდა ვუთხრა “ქართულ ოცნებას”, ამას არ დავუშვებთ და ჩვენი ხელისუფლება ვერ მოახერხებს ჩვენს დაშინებას,” – აცხადებს ალექსანდრე ახვლედიანი, პარტიის ერთ-ერთი თანადამფუძნებელი.
აღნიშნულ საკითხზე უფრო დეტალურად სასაუბროდ, თავად პარტია „ლელო საქართველოს“ ხელმძღვანელობასთან კონსულტაციის შემდეგ მივმართეთ პარტიის აქტიურ წევრსა და პოლიტიკურ აქტივის შალვა ესაძეს, რომელსაც ვთხოვეთ ეამბო თუ რა გარემოებების თანმხლებით მიმდინარეობს მიხეილ სააკაშვილის მხარდასაჭერი აქციები და ზოგადად, რა რეალობის წინაშე დგას დღეს ქართული ოპოზიციური აქტივიზმი:
„ქართული ოცნების“ მრავალწლიანი გეგმა, მიხეილ სააკაშვილისგან შეექმნა მონსტრი, რომელსაც საქართველოში მხარს აღარავინ დაუჭერდა, ჩაიშალა. ხელისუფლებამ დაინახა რომ ოპოზიციურად განწყობილი ადამიანებისთვის, რომლებიც საერთოდ არ მიეკუთვნებიან „ერთიანი ნაციონალური მოძრაობის“ რიგებს, ყოფილი პოლიტიკური ფიგურის მიმართ მსგავსი სასტიკი ქმედებების განხორციელება მიუღებელია. ჩვენ ჩვენი ერთობით, პროტესტითა და დაუღალავი შრომით ვაჩვენეთ მსოფლიოს რომ მხარს ვუჭერთ იმ პოლიტიკურ ფიგურას რომელმაც ქვეყნისთვის ბევრი კარგი რამ გააკეთა, თუმცა მმართველი ხელისუფლება ამას ვერ ეგუება. მე მრავალწლიანი გამოცდილება მაქვს მათთან ბრძოლის. სასაცილოა ის ფაქტი რომ მას შემდეგ რაც „ლელოს“ შევუერთდი არცერთი დღე არ ამომისუნთქავს, ჩემს კერძო ბიზნესს კრიმინალური ავტორიტეტებიც კი დაესხნენ თავს იმის გამო რომ ექსტერიერს „ლელოს“ სიმბოლიკას ვუთმობდი. სცადეს ჩემი მოსყიდვა, დაშინება, თუმცა ვერაფერს გახდნენ, მე როგორც რიგით ოპოზიციონერს ხელისუფლება ყველა მხრიდან მებრძვის, არაერთხელ გამხდარა ჩემი კერძო საკუთრება დარბევის ობიექტი, თუმცა პოლიციას არც ერთხელ მოუხდენია შესაბამისი რეაგირება, კერძო საკუთრებაზე ლაპარაკი ზედმეტია, პოლიტიკური ნიშით ანგარიშსწორებების მუქარისა და დაშინების მსხვერპლი თავად გავმხდარვარ თუმცა პოლიცია მე არ მიცავს, ჩემი სიტყვა უმნიშვნელოა და რატომ? იმიტომ რომ მე არ ვარ მმართველი პარტიის კრიმინალური დავალებების შემსრულებელი ან მათი ყურმოჭრილი მხარდამჭერი, რომელიც ვერ ხედავს რომ ეს ქვეყანა უფსკრულისკენ მიექანება. თითქმის 1 თვეა ანონიმური ნომრებიდან მირეკავენ, მემუქრებიან და მაშინებენ, ჩემი კერძო ბიზნესის გამო დამიბარეს ფინანსთა პოლიციაში, ცდილობენ როგორმე ჩამომიშორონ გზიდან, გამაშავონ, საზოგადოებაში სანდოობა დამკარგონ, მომიკლან აქტივობის ყველა გზა და გამხადონ ინერტული, დინების მიმყოლი „ქოცი“ რომელიც ხმას ვერაფერზე ამოიღებს, ეს არის ქართული ოცნების გეგმა, ეს სურთ მათ რომ ჩვენი ყველას აზროვნება ერთ „ქოცურ“ პრო რუსულ, ანტი ევროპულ დონეზე დავიდეს და ქვეყანა ჩავაბაროთ ჩვენს მტრებს. დიახ მათ სურთ საქართველო სადაც არ იარსებებს განსხვავებული აზრი, სადაც ადამიანს აქციაზე გამოსვლის გამო, პოლიტიკური ლიდერის მხარდაჭერის გამო, კონკრეტული ჯგუფის მიმართ სიმპათიის გამო მოკლავენ დაიჭერენ, აწამებენ. მთელი სამართლებრივი სისტემა, „ქართული ონების“ მარიონეტებით არის სავსე, სწორედ ამიტომაა რომ ოპოზიციის წარმომადგენლები ვიტანთ დამცირებას, შანტაჟს მუქარას. თვეებია მაჩერებენ პოლიციელები ქუჩაში, მამოწმებენ ალკოჰოლზე, და ეს ხდება დღეში რამდენჯერმე. რას ეძებთ? რას ცდილობთ? მე ვარ აქტივისტი ოპოზიციის მხარდამჭერი და მე ყოველდღე საფრთხე მემუქრება. თუმცა ეს საფრთხე არ არის ჩემს სურვილზე ძლიერი წვლილი შეიტანო ამ ქვეყნის განვითარებაში. რა არ გადავიტანე, როგორ არ დამამცირეს, როგორ არ სცადეს ჩემი გაჩუმება, თუმცა იმის შეგრძნება რომ მარტო არ ვარ, მაძლიერებს და მაძლევს იმედ რომ ქართველი ხალხი არ შეეგუება ამ სამარცხვინო ხელისუფლებას, სამარცხვინო უმაღლეს ორგანოებს, რომლებიც ყველაფერს აკეთებენ უბრალო ხალხის დაცვის გარდა.
იმედი მაქვს რომ ჩვენ ერთად დავასრულებთ „ქართული ოცნების“ დიქტატურას, მოვსპობთ პოლიციას რომელიც ძალადობს მშვიდობიან მოქალაქეებზე, გავაქრობთ ისეთ ფინანსურ სამსახურს რომელი ებრძვის მცირე მეწარმეებს, გააქრობთ კორუფციას, ნეპოტიზმს და ისევ დავდგებით იმ ევროპულ და პრო ამერიკულ გზაზე, რომელიც ჩვენმა წინაპრებმა წლების წინ გაგვიკვალეს თუმცა მოღალატე „ქართულმა ოცნებამ“ მისი მარიონეტი სამართალდამცავების დახმარებით, დროებით ჩამოგვაშორა. გთხოვთ არ დანებდეთ და არ მისცეთ უფლება მოღალატე „ქართულ ოცნებას’ გაგტეხოთ“- განაცხადა შალვა ესაძემ
აღნიშნულ საკითხზე კომენტარი ვთხოვეთ სახალხო დამცველის დეპარტამენტს, თუმცა მათ განგვიცხადეს რომ პოლიტიკური პოლარიზაციის მიმართულებით ომბუდსმენთა საბჭო აქტიურად მუშაობს. რაც შეეხება შინაგან საქმეთა სამინისტროს, მათი განცხადებით შესაძლო პოლიტიკური ნიშნით ანგარიშსწორების ფაქტებზე ისევე მიმდინარეობს გამოძიება, როგორც სხვა ნიადაგზე ჩადენილი დანაშაულებისას, პრეს ცენტრის წარმომადგენლები ყველა სახის კონსპირაციულ თეორია, პოლიტიკური მიკერძოების შესახებ, აბსურდულ გამოგონილ პროვოკაციას უწოდებენ.
About The Author
