ფილადელფიაში თვითმფრინავი ჩამოვარდა – ბორტზე ორი პირი იმყოფებოდა, არიან დაშავებულებიც

ტელემედია CBS News-ს ადგილობრივმა პოლიციამ განუცხადა, რომ მცირე ზომის თვითმფრინავი აშშ-ს ქალაქ ფილადელფიაში ჩამოვარდა და რამდენიმე სახლს დაეცა.

პოლიციის თქმით, ბორტზე ორი ადამიანი იმყოფებოდა, თუმცა, ასევე ვრცელდება ცნობები დაშავებულების შესახებ.

სახანძრო სამსახურების თქმით, ჩამოვარდნისა და აფეთქების ადგილზე რამდენიმე სახლი იწვის. ადგილზე მობილიზებულია საგანგებო სამსახურები.

პირველადი მონაცემებით, ჯერჯერობით უცნობია, თუ რამ გამოიწვია თვითმფრინავის ჩამოვარდნა, ვინ იყვნენ ბორტზე და არიან თუ არა გადარჩენილები.

About The Author

NEWSTODAY.GE

See author's posts