“შიმშილობის მესამე დღეა დედაჩემისთვისაც […] დედა, გთხოვ, შეწყვიტო შიმშილობა, შენი ჯანმრთელობისთვის ეს საშინელებაა” — ლაშა ჩხვიმიანი

რეჟისორი ლაშა ჩხვიმიანი, რომელიც დმანისის მერიის წინ რეჟიმის პატიმრების გათავისუფლების მოთხოვნით მესამე დღეა შიმშილობს ამბობს, რომ მასთან ერთად შიმშილობა დედამაც დაიწყო.

ის დედას შიმშილობის შეწყვეტისკენ მოუწოდებს.

“შიმშილობის მესამე დღეა დედაჩემისთვისაც. ჩემი გადაწყვეტილების შესახებ რომ გაუგია, თვითონაც შეუწყვეტია საკვების მიღება. ვერ ვესაუბრები, მრცხვენია, რომ წინასწარ არ გავაფრთხილე და ახლა ასე ვანერვიულებ. 

დედა, გთხოვ, შეწყვიტო შიმშილობა. შენი ჯანმრთელობისთვის ეს საშინელებაა! არ შეიძლება შენს ნერვიულობას კიდევ ეს დაემატოს! ძალიან გთხოვ!” — წერს რეჟისორი სოციალურ ქსელში.

About The Author

NEWSTODAY.GE

See author's posts