გავრცელებული ინფორმაციით, მტკვარში აპრილში გაუჩინარებული აითაჯ მამედოვას ცხედარი იპოვეს
NEWSTODAY.GE
1 min read
თბილისში, მდინარე მტკვარში მაშველებმა ძებნა-შველის ღონისძიების ფარგლებში გოგონას ცხედარი იპოვეს – გავრცელებული ინფორმაცით, გარდაცვლილი აპრილში გაუჩინარებული აითაჯ მამედოვაა. გოგონას ცხედარი მისმა ოჯახის წევრებმა ამოიცნეს.
21 წლის აითაჯ მამედოვა პირველ აპრილს გაუჩინარდა და მას შემდეგ ეძებდნენ, მათ შორის მტკვარში.
ოჯახის ცნობით, ის მეგობრის დაბადების დღის აღსანიშნავად იყო წასული, რის შემდეგაც „მშვიდობის ხიდის“ მიმდებარე ტერიტორიიდან გაუჩინარდა. ბიძის თქმით, პოლიციამ ოჯახს განუცხადა, რომ ვიდეოზე ჩანს, თუ როგორ ვარდება გოგო მდინარეში.
About The Author
